Brasilië se president beskuldig Israel van volksmoord in Gaza

Brasilië se president, Luiz Inacio Lula da Silva, het Israel van volksmoord teen Palestynse burgerlikes in die Gaza-strook beskuldig. In reaksie op ʼn Hamas-geleide aanval waarin 1 200 mense dood is, het Israel met ʼn militêre veldtog in die Gaza-strook begin. Meer as 28 400 Palestyne, meesal vroue en kinders, is reeds dood. Da Silva het by die Afrika-unie se beraad in Addis Abeba, Ethiopië, gesê wat in Gaza gebeur is dieselfde as die Jodeslagting toe Hitler besluit het om Jode dood te maak.