Botswana se diamantverkope daal met amper 50%

Verkope van ongeslypte diamante by Debswana Diamond Company het in die eerste helfte van 2024 met 49,2 persent gedaal, volgens data van die Botswana sentrale bank. Internasionaal is daar ‘n afswaai in die diamantmark. Debswana, wat gelykop besit word deur die regering van Botswana en Anglo American, verkoop 75 persent van sy produksie aan De Beers met die balans wat opgeneem word deur die staatsbeheerde Okavango Diamond Company. In die eerste helfte van die jaar het Debswana diamante ter waarde van 1,29 miljard Amerikaanse dollar verkoop vergeleke met 2,54 miljard dollar wat in dieselfde tydperk verlede jaar aangeteken is.