Bokke het min beweegruimte gegee: Wallabies-afrigter

Rugby: Die Wallabies se afrigter, Joe Schmidt, sê die nederlaag van 33-7 Saterdag teen die Springbokke in Brisbanne is nie sy grootste bekommernis voor die komende naweek se tweede toets in Perth nie. Suid-Afrika het die meeste van die vaste fasette oorheers en vyf drieë gedruk voor die gasheer laat in die wedstryd ‘n enkele drie kon druk toe die Bokke weens geelkaarte tot 13 spelers beperk is. Schmidt sê Australië sal ‘n klompie elemente meer mededingend moet maak.