Boere stres in die droogte, veral oor ruvoer

Namibië is die tuiste van baie wildreservate en plase wat wildbewaring aanhelp, maar die droogte het ‘n ernstige nadelige uitwerking op die diere. Die Namibië Droogtehulpfonds het die afgelope paar jaar Namibiese boere deur baie rampe ondersteun. Die groep het ‘n #GoFundMe-bladsy begin om fondse in te samel om boere te ondersteun deur plase van voer te voorsien. Ruben Lambrechts, ‘n Namibiese boer, het foto’s geplaas van die verwoestende gevolge van die droogte. Kosmos 94.1 Nuus het met Lambrechts gepraat oor hoe hulle beplan om die fondse wat uit die noodlenigingsprogram gegenereer word, te benut. Volgens hom is hul grootste probleem ‘n gebrek aan ruvoer.