Blitsbokke se afrigter sê daar is lesse te leer uit Perth

Rugby: Die Springbok-sewes se afrigter, Sandile Ngcobo, sê hy is tevrede met die manier waarop hulle die Perth-sewestoernooi in Australië afgesluit het. Die Blitsbokke het Frankryk met 24-5 verslaan en vyfde geëindig. Argentinië het hulle tweede agtereenvolgende toernooi gewen en hulle plek boaan die punteleer behou. Ngcobo sê met sulke taai kompetisie moet hulle klinies wees en in elke wedstryd alles gee.