Biden kom Woensdag in Israel aan

Die Israelse weermag het bevestig dat die Palestynse militante groep Hamas 199 gyselaars in Gaza aanhou. Die gyselaars is vermoedelik meestal burgerlikes, wat wissel van babas tot mense in hul 80’s. Baie het dubbele nasionaliteit. Hamas het tydens sy aanvalle op Israel vroeër vandeesmaand, verskeie buitelanders in Gaza ontvoer. Hamas beweer 22 Israeliese gyselaars is in lugaanvalle dood sedert die aanvalle begin het. Intussen het die Amerikaanse minister van buitelandse sake Antony Blinken vanuit Jerusalem aangekondig dat president Joe Biden môre Israel sal besoek.