Biden, Harris hou vergadering oor Hamas-gyselaars

President Joe Biden sal met Amerikaanse onderhandelaars vergader wat druk uitoefen vir ’n ooreenkoms om gyselaars vry te laat in die Israel-Hamas-oorlog. Dit volg na die dood van ses gevangenes in Gaza, insluitend ŉ Amerikaanse burger. Biden se amptelike skedule is hersien vir ŉ vergadering in die Withuis, wat ook bygewoon sal word deur visepresident Kamala Harris, wat in die wedloop is om hom na November se verkiesing op te volg. Amerika en mede-onderhandelaars, Egipte en Katar, beywer hulle vir ŉ uitruiling van gyselaars en gevangenes, en ŉ skietstilstand in Gaza.