Beperkings in handel, veral met tariewe, vertraag handel in Afrika

Sakeleiers op die Brics-forum sê nie-tariefversperrings is een van die hoofredes waarom landbouhandel swak bly tussen lidlande. Die afgevaardigdes op die 15de Brics-beraad wat in Sandton, Johannesburg, aan die gang is, het trae beleidsveranderings rakende die produksie, oes en vervoer van landbou-produkte as verdere redes uitgelig. Agbiz se hoofekonoom, Wandile Sihlobo, sê ondernemings moet die beleid oor landbou-ontwikkeling in Afrika verbeter.