Bees- en skaapvleis uitvoere styg skerp

Uitvoere van lewende beeste het in Oktober met 35,9 persent op ‘n jaargrondslag gedaal, terwyl beesvleis-uitvoere met 179,2 persent jaar-tot-jaar toegeneem het. Simonis Storm sê in sy jongste verslag dat die Europese Unie die hoof-bestemming was, gevolg deur Suid-Afrika en die Verenigde Koninkryk. Lewende-skaap uitvoere gedurende Oktober het 38 669 koppe beloop, terwyl skaapvleis-uitvoere 39 ton beloop het, wat ‘n groei van 215 persent op ‘n jaargrondslag toon vergeleke met Oktober 2022. Daar was ‘n daling van 16,7 persent op ‘n jaargrondslag in lewende bok-uitvoere en geen lewende varke is sedert Mei vanjaar uitgevoer nie.