Baldwin vrygespreek van alle klagtes oor Rust-skietery

‘n Regter in New Mexico het klagte van onwillekeurige manslag teen Alec Baldwin van die hand gewys en met sy prokureurs saamgestem dat aanklaers en polisie bewyse weerhou het oor die bron van die ammunisie wat die Rust-kinematograaf Halyna Hutchins in 2021 gedood het. Regter Mary Marlowe Sommer sê daar was ‘n toesmeerdery. Baldwin het in trane uitgebars met die aankondiging en die hof verlaat sonder om met verslaggewers te praat.