Baie goeie aanbod by wildveiling op Outjo

Groot opwinding heers oor die Outjo Wildsfees waar die Du Preez Wildveiling op 24 Augustus by die Fanie Burger-feesterrein sal plaasvind. Hoogtepunte waarna wildkopers volgens die Du Preezs kan uitsien, is ’n swartwitpens met horings van 44 duim en ’n 29 duim bastergemsbok, asook gemsbokke met 40 duim. Die katalogusveiling sal ter plaatse op die Outjo Wildsfees, asook aanlyn deur Agra Auctions aangebied word. Kosmos 94.1 Nuus het met Dirk du Preez van Du Preez Wild oor die veiling gesels.