AstraZeneca-entstof verval in Kenia 

Ongeveer 840 000 dosisse AstraZeneca-entstof wat aan Kenia geskenk is, het verval. Nóg een miljoen dosisse van die Johnson en Johnson-entstof sal na verwagting teen die middel van volgende maand verval. Kenia het sover 17,3 miljoen mense ingeënt. Die toediening van tweede dosisse het merkbaar afgeneem, nadat sommige Keniane geweier het om sekere entstowwe te neem, veral AstraZeneca. Die minister van gesondheid, Mutahi Kagwe, sê elke vervalde dosis verteenwoordig ‘n verlore geleentheid om ‘n lewe te red.