Amper N$49m se skuld draai in mosiehof

Regters Collins Parker en Eileen Rakow het vanoggend 97 aansoeke vir verstekvonnisse in die mosiehof aangehoor waarvan 21 op die reël 108-rol was. Kommersiële banke het 60 van die aansoeke gebring en eis amper 49 miljoen Namibiese dollar in onbetaalde skuld. Daar is 28 eiendomme met ‘n uitstaande waarde van 32,3 miljoen dollar sowel as 31 lenings met ‘n skuldlas van 16,5 miljoen dollar. Een voertuig moet ook terugbesorg word. In Maandag se sessie is daar 39 onverdedigde egskeidings voor regter Shafimana Ueitele.