Alcaraz wil Sunshine-dubbel voltooi

Tennis: Die wêreld-nommer twee Carlos Alcaraz sê dit sal vir hom wonderlik wees om die Sunshine-dubbel te voltooi deur die Indian Wells- én die Miami-toernooi albei te wen. Die Spanjaard het verlede Sondag sy titel as Indian Wells-verdedigende kampioen behou, nadat hy Daniil Medvedev in die eindstryd geklop het. Dit was sy eerste titel sedert Wimbledon verlede jaar. Die 20-jarige Alcaraz begin Vrydag met sy Miami-aanslag. Hy sê hy is tevrede met sy huidige spelpeil.