Aanvaller vermoor vyf mense by bejaardes-sorgsentrum

‘n Gewapende aanvaller het vandag ‘n sorgsentrum vir bejaardes in sentraal-Kroasië ingestorm en verskeie mense doodgeskiet en gewond. Vyf mense is volgens berigte op die toneel dood, terwyl ander nog mediese behandeling kry. Die aanvaller het op die vlug geslaan, maar die polisie het hom vasgetrek en hou hom aan. Televisieberigte lui die skieter is in 1973 gebore en het geveg in die oorlog in Kroasië tussen 1991 en ’95. Hy is ‘n familielid van een van die tehuis se inwoners.