Aansporingsveldtog vir studiehulpfonds skop af

Die burgemeester van die Buffalo City-munisipaliteit in die Oos-Kaap, Princess Faku, gaan die weeklikse aansporingsveldtog vir die sperdag van die Nasionale Finansiële Hulpskema vir Studente by Oos-Londen se stadsaal afskop. Die spertyd vir die inhandiging van NSFAS-aansoeke is volgende Woensdag. Die woordvoerder van die munisipaliteit, Samkelo Ngwenya, sê die grootste uitdaging vir jongmense is om nié geld vir verdere studies te hê of hulpmiddels om aansoek te doen nie.