Aanlyn swendelary slaan toe in Oshana

NamPol Oshana se streekbevelvoerder, kommissaris Naftal Sakaria, sê aanlyn swendelary het ‘n kommerwekkende neiging in die streek geword. Dit kom nadat ‘n onbekende swendelaar verlede week twee vroue van 62 en 68 jaar oud, uit onderskeidelik 50 000 Namibiese dollar en 100 000 dollar bedrieg het. Sakaria waarsku die publiek om nie oproepe van onbekende mense te vertrou wat vir persoonlike bankinligting vra nie. Hy het tydens ‘n pers-inligtingsessie op Oshakati gepraat.