Motorsport: Formule 1 hervat met Nederlandse Grand Prix

Motorsport: Die Formule Een-seisoen het met die Nederlandse Grand Prix hervat ná die middelseisoen-onderbreking nadat 12 van die 22 wedrenne afgehandel is. Red Bull se Nederlandse jaer, Max Verstappen, is ver voor op die punteleer, met 314 punte ná tien oorwinnings en 12 podium-verskynings. Sy Mexikaanse spanmaat, Sergio Pérez, is 125 punte agter hom. Mercedes het ná ‘n swak afskop verbeter en is tans tweede op die vervaardigers-punteleer. Die jaer Lewis Hamilton, wat reeds sewe keer wêreldkampioen was, hoop op ‘n stewige tweede deel van die seisoen.