VSA se oudpresidentsvrou Rosalynn Carter vier 96ste verjaardag

Die voormalige Amerikaanse Presidentsvrou, Rosalynn Carter, vier vandag haar 96ste verjaardag tuis, saam met haar man, Jimmy, en familielede. Sy ly aan demensie en haar 98-jarige man ontvang tans sorg, maar die egpaar woon steeds saam in die klein dorpie Plains waar hulle gebore en getroud is en Carter se politieke loopbaan begin het. Carter, met die bynaam die grondboontjieboer, was Amerika se 39ste President en die egpaar het van 1977 tot 1981 in die Withuis gewoon. Rosalynn Carter beplan glo om haar spesiale dag te vier met kolwyntjies en grondboontjiebotter-roomys.