Sokker: Luka Modric bly by Real Madrid

Sokker: Die veteraan middel-veldspeler van Real Madrid, Luka Modric, gaan nog ʼn seisoen by die Spaanse klub aanbly nadat hy sy ooreenkoms tot Junie volgende jaar verleng het. Die 37-jarige Kroaat bly ʼn sleutelspeler vir Madrid en het besluit om te bly ondanks groot belangstelling uit Saoedi-Arabië, wat hom wou werf wanneer sy bestaande kontrak hierdie maand verstryk. Real sê Modric het tydens sy tydperk by die klub in 488 wedstryde gespeel en 23 trofees ingepalm. Hy het die Kampioene-beker vyf keer omhoog gehou sedert hy in 2012 vanaf Tottenham aangesluit het.