Storms sal naweek in Kaapse Wynlande voortduur

Die burgemeester van die Kaapse Wynlande-distriksmunisipaliteit, Helena von Slicht, doen ʼn beroep op inwoners om veiligheid hierdie naweek voorop te stel terwyl nood-opruimingsdienste inwoners bystaan wat deur die huidige stormagtige weerstoestande geraak word. Inwoners word aangeraai om waaksaam te bly en die nodige voorsorg te tref. Von Slicht sê die stormweer sal na verwagting dwarsdeur die naweek voortduur.