Tina Turner (83) sterf

Die legendariese sanger Tina Turner is op 83-jarige ouderdom ná ‘n lang siekbed in haar huis in Switserland dood. Die koningin van rock ‘n’ roll het die afgelope jare aan gesondheidsprobleme soos kanker en nierversaking gely. Sy en haar gewese man, Ike Turner, het treffers soos River Deep, Mountain High en Proud Mary vrygestel. Turner het tydens haar loopbaan agt Grammy-toekennings gewen. Sy is in 2021 as solokunstenaar in die Rock ‘n’ Roll-heldesaal opgeneem nadat sy in 1991 ook saam met Ike daar ingehuldig is.