Pentagon maak berekeningsfout, US$3 miljard oor vir wapens vir Oekraïne

Die Pentagon het die waarde van die wapens wat hy na die Oekraïne gestuur het met minstens 3 miljard Amerikaanse dollar oorskat – ‘n berekeningsfout wat ‘n seën vir die oorlogspoging kan wees omdat dit die departement van verdediging toelaat om meer wapens te stuur sonder om die Kongres vir meer geld te vra. Daar is toenemende druk vanuit die Kongres oor die hoeveelheid wat bestee word op die oorlog in Oos-Europa. Maar, die fout kan ook meer geld vir kritieke wapens vrystel aangesien die Oekraïne op die punt staan van ‘n langverwagte teenoffensief. President Volodymyr Zelensky het voorheen gesê die offensief is vertraag omdat hulle nog nie alles het wat hulle nodig het nie.