Rugby: Trustco United onoorwonne in premierliga

Rugby: Trustco United het ná vier wedstryde in die Namibiese Rugby-unie se premierliga onoorwonne gebly deur gisteraand sy wedstryd teen FNB Unam op Gemsbokpark met 44-24 te wen. United was rustyd met 20-5 voor teen die studentespan en het uiteindelik vyf drieë gedruk. Danksy die bonuspunt vir minstens vier drieë beweeg United aan na 20 ligapunte ná vier wedstryde. Die ander wedstryde vind vandmiddag plaas tussen FNB Grootfontein en FNB Wanderers op Grootfontein, FNB Rehoboth teen FNB Reho Falcon op Rehoboth en op Walvisbaai tussen FNB Kudus teen FNB Western Suburbs.