Klimaatsverandering: Spanning tussen VSA en ander lande
Die Verenigde Nasies se Menseregte-raad se besluit oor klimaatsverandering wat ‘n beroep op regerings doen om ʼn beleid en ʼn wetlike raamwerk te aanvaar om die reg op ‘n gesonde omgewing daar te stel, het spanning tussen sommige vooraanstaande lande en Amerika laat ontstaan. Die voorstel is aangevoor deur Costa Rica, die Maldive, Marokko, Slowenië en Switserland, en het die mens se reg op ‘n skoon, gesonde en volhoubare omgewing herbevestig. Die oproep het ook ‘n beroep op VN-verdragsliggame gerig om die instelling daarvan te bevorder.