Gewapende rooftog by kampeerterrein buite Keetmanshoop

‘n Gewapende rooftog het vandag by die Quiver Tree Lodge buite Keetmanshoop plaasgevind. Twee toeriste wat daar kampeer, is glo deur onbekende verdagtes met ‘n vuurwapen van hul besittings beroof. Adjunk-kommissaris Nicodemus Mbango, Nampol se koördineerder van misdaadondersoeke in die Karas-streek, het aan Kosmos 94.1 Nuus bevestig die verdagtes is steeds op vrye voet, maar die polisiebeamptes is op grondvlak om hulle vas te trek. Mbango sê inligting vanaf die misdaadtoneel is skraps en die nasionaliteit van die toeriste is nog onbekend.