Namport wil die Pelican Point-vuurtoring laat opgradeer

Die Namibiese Hawens-owerheid, Namport, nooi Namibiërs uit om te tender vir die opgradering van die Pelican Point-vuurtoring by Walvisbaai. ‘n Vergadering met belangstellendes sal môreoggend om tien-uur by Namport plaasvind. Daarna sal ‘n besoek aan die perseel gebring word wat slegs met 4×4-voertuie bereikbaar is. Belangstellendes moet hul eie vervoer reël. Versoeke oor die tender kan tot 24 Februarie gerig word en die sluitingsdatum vir die tender is op 16 Maart om twaalf-uur die middag wat per hand by Namport ingehandig moet word.