Suid-Afrikaners gaan hoes vir brandstof

Die Suid-Afrikaanse departement van minerale bronne en energie het aangekondig die prys van 93-oktaan-petrol sal Woensdag met twee-rand-37-sent per liter styg, en 95-oktaan sal twee-rand-57-sent per liter duurder wees. Dieselpryse gaan styg met twee-rand-31-sent per liter en lampolie met een-rand-66-sent per liter, terwyl die kleinhandelprys van gas sal daal met twee-rand-18-sent per kilogram. Die departement se woordvoerder, Robert Maake, sê die regering het die petrolheffing in April opgehef om die ekonomiese druk van stygende brandstofpryse te verlig.