Agra se speenkalf-kompetisie skop in Junie af

Die 2022 Agra speenkalf-kompetisie vind vanjaar vir die elfde keer in ‘n moderne formaat plaas. Daar sal 21 veilings vanaf 21 Junie tot 15 September regoor Namibië vanaf Karasburg tot Grootfontein plaasvind. Daar sal ook vier nuwe veilingsplekke wees, naamlik Talismanus, Okanjatu, Okakarara en Aminius. Vanjaar sal drie nasionale wenners aangekondig word. Die streekwenners, asook die algehele kampioene sal by die gesogte jaarlikse gala-geleentheid in Oktober gekroon word.