20% van landelike huishoudings het krag

Die adjunk Namibiese minister van myne en energie, Kornelia Shilunga, sê 20 persent van landelike gebiede is geëlektrifiseer. Uit die net meer as 235 000 landelike huishoudings het net minder as 36 000 toegang tot tradisionele elektrisiteit terwyl net meer as 18 000 sonkrag het. President Hage Geingob se tweede Harambee-welvaartsplan beoog om 6 000 landelike, en 13 000 buitestedelike huishoudings te elektrifiseer. Die ministerie het die sogenaamde Green People’s Energy-projek in samewerking met die Duitse GIZ en die ministerie se sonkrag-draaifonds bekend gestel om veral landelike besighede wat kleinskaalse boere insluit, by te staan.