Rugby

Die Blitsbokke het hervat waar hulle verlede week geëindig het en vir Japan met 48-0 kafgedraf in hul eerste groepwedstryd van die naweek se Wêreldreeks-toernooi in Dubai. Suid-Afrika se ander twee groepswedstryde is teen Groot-Brittanje en Ierland. Frankryk het vanoggend vir Fidji 22-17 geklop, Australië het Kenia met 21-14 gewen, Argentinië vir Spanje 21-14, Amerika vir Kanada 38-14, en Groot-Brittanje was die oorwinnaar oor Ierland met 24-21.