Damme vertoon beter, oostelike dele sukkel steedsMarch 18, 2025

Waterbronne in die sentrale gebied staan tans op 35,7 persent na invloei aangeteken is. Swakoppoort het amper 1,5 miljoen kubiek ontvang en staan op 39,9 persent. Von Bach het 1,9 miljoen ontvang en is 39,4 persent vol. Omatako is 25,8 persent vol na 871 000 kubiek oorgedra is. In die ooste is bronne op 3 persent. Otjivero het 20 000 kubiek ingeneem en is 3,5 persent vol. Hardapdam het 6,2 miljoen kubiek ontvang en is 24,3 persent vol maar dit behoort die week verder te styg sou voorspellings vir reën hou. Naute by Keetmanshoop is 50,1 persent vol na amper 5 miljoen kubiek ontvang is. Daar was geen lesing vir Neckartal nie maar die dam was laas op 81,7 persent. Oanob is 32,5 persent vol.