Olimpiese medaljes verloor glans

Die Franse Munt het 220 versoeke ontvang om medaljes te vervang wat in 2024 by die Olimpiese Spele en Paralimpiese Spele in Parys gewen is. Atlete het gekla hul medaljes vlek of is vol kepe, soms binne weke nadat die Spele verlede jaar geëindig het. Volgens die Franse Munt is sommige vervang en hulle gaan op versoek van atlete voort met die vervanging. Die Internasionale Olimpiese Komitee het in Januarie gesê hulle sal stelselmatig “gebrekkige” medaljes vervang.