Gene Hackman sterf, saam met sy vrou en hond

Gene Hackman, is in die ouderdom van 95 oorlede. Die Amerikaanse akteur, sy vrou Betsy Arakawa en hul hond is dood aangetref by hul huis in Santa Fe, in Nieu-Mexiko. Owerhede het bevestig dat hulle Woensdagoggend dood aangetref is maar sê geen vuilspel word op die huidige stadium oorweeg nie. Hackman het ‘n roemryke loopbaan gehad en het twee Oscars gewen en is vir nog drie benoem. Hy is bekend vir rolprente soos Unforgiven met Clint Eastwood, The French Connection, Mississippi Burning en Superman. Hy het in 2004 op advies van sy dokter uitgetree, en het selde weer ‘n onderhoud gegee.