Regulasies belemmer sakestigting

Namibiese entrepreneurs het aansienlike uitdagings om hul ondernemings te laat groei, as gevolg van beperkte toegang tot finansiering en omslagtige burokratiese prosesse. Dit is ondanks hul groot potensiaal om werk te skep. Die Internasionale Finanskorporasie berig dat Namibië meer as 70 000 geregistreerde klein- en mediumgrootte ondernemings het, wat gesamentlik meer as 200 000 poste bied, maar baie van hulle sukkel met finansiële beperkings en regulatoriese uitdagings. Kosmos 94.1 Nuus het gesels met Danny Meyer van SMEs Compete, wat sê beleidmakers moet dit maklik maak vir sakemense om uit te brei.