Dis Liverpool teen PSG in Kampioeneliga laaste 16

Sokker: Liverpool gaan Paris Saint-Germain die stryd aansê in een van die hoogtepunte in die laaste 16 van hierdie seisoen se Kampioeneliga. Die huidige kampioen, Real Madrid, gaan teen sy buurman Atletico Madrid te staan kom. Die twee Duitse spanne Bayern München en Bayer Leverkusen pak mekaar, terwyl Arsenal teen PSV Eindhoven te staan kom, en Inter Milan teen Feyenoord. Barcelona gaan Benfica takel, met Aston Villa teen Club Brugge. Verlede seisoen se verloorder in die eindstryd, Borussia Dortmund speel teen die Franse span Lille.