Namibië se energieoorgang kan voordeel trek uit CI3

Climate Fund Managers het die Climate Investor Three , bekend as CI3, gemengde finansieringsfonds, ter waarde van 2,9 miljard Namibiese dollar, geloods. Dit is daarop gemik om die energie-oorgang te versnel en die ontwikkeling van groen waterstof in ontluikende markte, insluitend Namibië en Suid-Afrika, te bevorder. Volgens The Brief, kom CI3 se aanvanklike kapitaalverpligtinge van Europese skenkers, wat ‘n risiko-gebalanseerde beleggingsmodel gebruik om openbare en private sektor finansiering te lok. Die fonds sal projekte oor die energie-oorgang en groenwaterstofwaardeketting ondersteun, met landspesifieke inisiatiewe soos SDG Namibia One en SA-H2. CI3 is ‘n toevoerfonds wat direk in projekte kan belê, maar ook in landspesifieke onderliggende fondse kan belê.