Eisers wat beleggings by Amushelelo gemaak het neem toe

‘n Statusverhoor word vandag gehou in die saak waar aanklaer-generaal Martha Imalwa Michael Amushelelo se bates wil bevries. Teen Oktober verlede jaar het 40 eisers na vore getree en ‘n totaal van 2,2 miljoen Namibiese dollar geëis wat hulle sê hulle by hom belê en verloor het. Imalwa het ‘n statusverslag ingedien met 114 eisers wat ingevolge POCA-wetgewing eise ingedien het, met nog drie hangende aansoeke en 10 wat kondonasie aansoeke gebring het. Die saak kom tienuur voor regter Thomas Masuku voor.