China is paraat met Trump inhuldiging

Chinese amptenare is hoopvol maar paraat vir Donald Trump se terugkeer na die Withuis. Die land sal ‘n herhaling van die vorige handelsoorlog wil vermy. Chinese visepresident Han Zheng het in vergaderings met Elon Musk, uitvoerende hoof van Tesla, en ander lede van die Amerikaanse sakegemeenskap in Washington voor Trump se inhuldiging gesê hy hoop Amerikaanse maatskappye sal wortelskiet in China en sal help om bilaterale betrekkinge te stabiliseer. Toe Trump voorheen president was, het hy tariewe op meer as 300 miljard Amerikaanse dollar se Chinese invoere geplaas.