Namdia-roof: Ondersoek kring uit, nog een vas

NamPol het die identiteit van ‘n vermeende gewapende rower wat as gevolg van ‘n skietwond gesterf het as Max Endjala bevestig. Hy was ‘n bekende Namibiese muurbalspeler. Endjala is in ‘n Windhoekse hospitaal dood nadat hy homself blykbaar Saterdagnamiddag tydens ‘n rooftog by Namdia geskiet het. Elias Mutota, adjunk-inspekteur-generaal van die polisie, sê vingerafdrukke het Endjala se identiteit bevestig. Nog ‘n verdagte wat ook ‘n skietwond opgedoen het, word in ‘n Windhoekse hospitaal opgeneem en is in ‘n stabiele toestand. Twee verdagtes is steeds op vlug, maar Mutota sê ‘n vyfde is Sondagmiddag gearresteer en was ‘n Namdia-werknemer. Vier vuurwapens en messe is by die toneel gevind. Twee het aan die verdagtes behoort met twee aan Namdia werknemers.