Sekuriteitswagte kry ook ingefasseerde minimumloon

Die Veiligheidsvereniging van Namibië het aangekondig dat arbeidminister Utoni Nujoma die groenlig gegee het vir die geleidelike infasering van die nasionale minimumloon vir sekuriteitsbeamptes, soos voorgestel deur die Namibië Veiligheidsarbeidsforum. Die minimum basiese loon sal vanaf die huidige 8 Namibiese dollar 75 sent per uur styg tot 13 dollar 50 per uur, effektief 1 Januarie vanjaar. Die uurlikse tarief sal dan in 2026 styg tot 16 dollar en in 2027 tot 18 dollar. Die aankondiging is tydens ‘n media-inligtingsessie gemaak deur die vereniging se tesourier, Onesmus Hanhapo.