Regters wat verkiesingsaak môre aanhoor aangekondig

Die Regbank het die paneel van regters bevestig wat die uitdaging van die verkiesingsuitslae wat deur die IPC en die LPM gebring is, in die Verkiesingshof sal aanhoor. Die paneel van drie regters sal bestaan uit regters Hannelie Prinsloo, Orben Sibeya en Esi Schimming-Chase. Die saak sal môre aangehoor word. Vroeër vandag het verskeie opposisie-partye by die parlement vergader om hul steun vir die LPM en IPC se saak te toon. Michael Amushelelo, wat die Namibië Ekonomiese Vryheidsvegters verteenwoordig, was daar en sê Namibiërs moet nie die uitslag van die verkiesing aanvaar nie.