Heathrow hanteer rekordaantal passasiers

Heathrow in Londen het verlede jaar ‘n rekordaantal passasiers op Europa se besigste lughawe verwelkom, met lugreise wat ná die onstuimige Covid-jare herstel het. Altesaam 83,9-miljoen mense het in 2024 van die lughawe gebruik gemaak, 3 miljoen meer as die vorige hoogtepunt in 2019, ‘n jaar voor die pandemie. Heathrow het verlede maand sy besigste Desember op rekord beleef, met meer as 7 miljoen passasiers.