Sacha by Stormers-oefening, dalk in span teen Haaie

Rugby: Sacha Feinberg-Mngomezulu was Maandag by die Stormers se oefening en sal na verwagting Saterdag vir die Verenigde Rugby-kampioenskap-derby teen die Haaie op die Kaapstad-stadion beskikbaar wees. Die Springbok het verlede naweek in die Stormers se sege van 29-10 oor die Leeus van die veld af gehink met wat later as ‘n heupbesering gediagnoseer is. Die Stormers sal vandag oefen, maar môre en Welwillendheidsdag af wees voor Vrydag se kapteinsoefening. Die span vir die Haaie-wedstryd word Vrydag aangekondig. Meer as 30-duisend kaartjies is reeds vir die wedstryd verkoop.