Vier mans in warm water oor dwelms

Die Namibiese polisie op Outjo het twee mans in hegtenis geneem na hulle met dagga in hulle besit betrap is. Volgens die naweek-misdaadverslag is ‘n 30-jarige man Saterdagmiddag in Herero-lokasie deursoek en daar is beslag gelê op 38 gram los dagga ter waarde van 900 Namibiese dollar. Later dieselfde middag is ‘n 48-jarige man by sy huis in Soweto-lokasie gearresteer na 84 gram los dagga van sowat 4 200 dollar in die huis gevind is. Op Otjiwarongo is ‘n 23-jarige man in Orwetoveni aangekeer na 9 stukke crack-kokaïene wat 900 dollar werd is op hom gevind is. Ook in Orwetoveni het ‘n 27-jarige man 52 gram dagga ter waarde van 490 dollar in sy besit gehad en hy is gearresteer.