Dylan Naidoo jaag eerste DP World-toer oorwinning

Gholf: Die Suid-Afrikaner Dylan Naidoo jaag ‘n eerste DP World-toeroorwinning wanneer hy vandag se finale ronde van die Mauritius Ope pak as gesamentlike voorloper met Eddie Pepperell. Aan die einde van ‘n moeilike dag van wind en ferm setperke, het Naidoo ‘n briljante 66 aangeteken met ses voëltjies oor sy eerste sewe putjies, en op 11 onder baansyfer geëindig. Pepperell van Engeland het sy pas bo-aan die telbord volgehou met ‘n ronde van 69. Hulle is een hou voor Jacob Skov Olesen van Denemarke en nog ‘n Suid-Afrikaner, Jovan Rebula.