Verslag beklemtoon rol van beleggers in begin-besighede

Die African Business Angel Network se 2024-verslag het sy beleggers se deurslaggewende rol in vroeë-stadium-befondsing van nuwe ondernemings in Afrika beklemtoon. Daar was wel ‘n afname in die befondsingsekosisteem sedert 2021, maar die sogenaamde engelbeleggers het momentum behou en gapings in befondsing oorbrug terwyl hul mentorskap en netwerke gebied het. Meer as 403-miljard Namibiese dollar is sedert 2014 in nuwe ondernemings in Afrika belê, met vroeë-stadium-transaksies wat te midde van die ekonomiese uitdagings veerkragtig gebly het. Die verslag vra groter belegging om innovering te onderhou en entrepreneursgroei op die vasteland te bevorder.