Withuis veroordeel Hamas se gyselaar-video

Die Withuis het ‘n propagandavideo van die Israelies-Amerikaanse gyselaar Edan Alexander veroordeel as ’n wrede herinnering aan Hamas se terreur teen burgers van verskeie lande, insluitend Amerika. Die video, wat deur Hamas uitgereik is, wys hoe Alexander Donald Trump en Israeliese premier Benjamin Netanyahu aanspoor tot ‘n ooreenkoms om oorblywende gyselaars in Gaza te bevry. Dit het geblyk dat Alexander, wat sedert 7 Oktober verlede jaar deur Hamas aangehou word, onder dwang was. Sy familie het die vrystelling van die video gemagtig, wat beeldmateriaal insluit van die jong gyselaar wat sy gesig met sy hande bedek en huil.