USAID vra beskerming van regte om Vigs te beëindig

Vandag is Wêreld-Vigs-dag en die Amerikaanse hulporganisasie USAID beklemtoon die beskerming van menseregte is noodsaaklik om Vigs as ‘n bedreiging vir openbare gesondheid teen 2030 te beëindig. Die adjunk-uitvoerende hoof van UNAIDS, Angeli Achrekar, sê vordering met die reaksie op MIV is direk verbind met menseregtevooruitgang, en tog bedreig verbrekings die vordering. Sy sê die Take the Rights Path -veldtog moedig wêreldleiers aan om stelsels aanspreeklik te hou vir volhoubare vordering in die stryd teen Vigs.