Proteas, Sri Lanka begin toetse in Durban

Krieket: Die Proteas en Sri Lanka, wat albei nog goed geplaas is om die eindstryd van die Wêreld-toetskampioenskap te haal, speel van môre af in twee toetse teen mekaar. Die eerste toets word in Durban gespeel waar die besoekers tot dusver al drie toetse teen die gashere gewen het. Die tweede begin die vyfde van volgende maand in Gqeberha. Sri Lanka is op die oomblik derde op die toetsranglys na Indië en Australië, gevolg deur Nieu-Seeland en Suid-Afrika.